Buscador PAU: consulta as notas de acceso ás carreiras universitarias de toda España
GALICIA
Con esta ferramenta poden localizarse as titulacións de todo o país filtrando por provincia, campus ou universidade
29 may 2025 . Actualizado á 17:57 h.Que nota se debe acadar para entrar en Medicina? Basta cun 5 para entrar nunha Enxeñería? Cal é a nota de admisión de Matemáticas fóra de Galicia? En pouco máis dunha semana, a PAU 2025 remataría e miles de estudantes empezarán a facerse preguntas como estas. Coas notas da selectividade xa en man (en Galicia, as cualificacións provisionais publícanse o xoves 12 de xuño), empezarán a facer os seus cálculos e, a partir de aí, terán que decidir que carreiras solicitar. En moitos graos, a admisión está rifada e decidirase por cuestión de décimas.
Por todo iso, o seguinte buscador pode resultar útil. Con el, pódense localizar todos os graos universitarios que se imparten en España e as notas de admisión coas que pecharon o pasado curso. Aínda que esa nota de corte é a referencia máis utilizada entre os estudantes para barallar se teñen ou non opción de entrar nunha titulación, é unha cifra meramente orientativa. Trátase da cualificación do último estudante que o pasado curso conseguiu acceder a un grao.
Con esta ferramenta, pódense filtrar as carreiras por campus, provincia ou nome da universidade. E se se buscan titulacións impartidas en Galicia, deben buscarse polo seu nome oficial en galego. Tamén é importante entender que os nomes das carreiras poden variar lixeiramente segundo a universidade, polo que pode ser necesario afinar a procura.