O número de viaxeiros na comunidade cae a 2,8 millóns tras a pandemia
11 mar 2021 . Actualizado á 16:33 h.Os usuarios de transporte urbano por autobús baixaron un 47,6% en xaneiro en Galicia en relación co mesmo período do ano anterior, ata 2.816.000 viaxeiros, segundo os datos que publica este xoves o Instituto Nacional de Estatística (INE). A media en todo o país foi catro puntos superior, rexistrando un total de 127,8 millóns de viaxeiros en xaneiro.
O número de viaxeiros que optou por viaxar en avión en España para desprazarse polo interior do país derrubouse un 73,9% o pasado mes de xaneiro respecto ao mesmo mes de 2020.
Este descenso débese ás restricións de mobilidade tanto nacionais como internacionais provocadas polo coronavirus. De feito, en total só 776.000 viaxeiros usaron o avión en xaneiro para os seus desprazamentos. A isto súmase tamén un retroceso nos viaxeiros en tren. Así, os usuarios dos trens AVE apenas acadaron os 382.000 usuarios, un 77,2% menos que en igual mes de 2020.
Segundo a estatística de transporte de viaxeiros do INE, que reflicte o impacto da pandemia no uso dos distintos medios de transporte, o número de usuarios do transporte público baixou en xaneiro un 51,1% en taxa anual, ata os 206,8 millóns de pasaxeiros.
O transporte urbano diminuíu un 51,9% en taxa anual e o interurbano un 54,2%, destacando dentro deste último a caída de case o 74% do transporte aéreo debido ás restricións de mobilidade provocadas polo coronavirus.
A taxa de variación do número de pasaxeiros do transporte público do mes de xaneiro respecto a decembro foi do -14,3%. Un dato que contrasta co pasado ano cando creceu un 3,9% e moito máis con 2008 cando a evolución da taxa mensual de viaxeiros no mes de xaneiro no transporte público aumentou un 6,3%.
Así, por tipo de transporte, o aéreo baixa un 73,9%, o marítimo un 65,9%, por autobús un 54,4%, e por ferrocarril un 52,7%. Proximidades diminúe un 53,8% no transporte por autobús e un 50,8% no transporte por ferrocarril. A media distancia baixou un 54,3% no transporte por autobús e un 64,6% no ferroviario.
Para rematar, a longa distancia diminuíu un 78,9% no transporte por autobús e un 75% no ferrocarril. Dentro deste último, a AVE baixa un 77,2%. Os datos do INE mostran que máis de 26,1 millóns de usuarios utilizaron transporte especial e discrecional o pasado mes de xaneiro, o que supón un descenso do 38,2% en taxa anual. O número de pasaxeiros do transporte especial baixou un 21,1% e superou os 24,2 millóns de usuarios. Dentro deste, o escolar redúcese