Ábalos nomea ao galego Sergio Vázquez Torrón secretario xeral de Infraestruturas
GALICIA
O Consello de Ministros aprobará hoxe o nomeamento do galego Sergio Vázquez Torrón (Lugo, 1975) como secretario xeral de Infraestruturas, deixando o cargo que ocupaba ata agora como director do Gabinete do ministro de Transportes, José Luis Ábalos.
Vázquez Torrón é licenciado en Ciencias Económicas e Empresariais pola Universidade da Coruña e máster en Produción e Xestión Audiovisual por esa mesma universidade. Foi coordinador da Secretaría de Economía e Emprego do PSOE entre o 2004 e o 2008. Entre outros cargos, foi director adxunto do Gabinete de José Blanco cando era ministro de Fomento. En maio do 2017 foi nomeado asesor do secretario xeral. O seu obxectivo no novo cargo será traballar nun acordo nacional sobre o investimento e conservación de infraestruturas de transporte.