O protagonista de «Jumanji, benvidos á xungla» ve posible o seu salto á política. As enquisas apuntan que lle gañaría a Donald Trump.
28 dic 2017 . Actualizado á 05:06 h.Segundo algunhas enquisas, Dwayne Johnson vencería a Donald Trump nunhas eleccións presidencias americanas cun 42% dos votos frontes ao 37% do actual mandatario. The Rock Johnson (California, 1972) sopesa presentarse nos comicios do 2020, pero estes días retumban máis os tambores da súa última película, Jumanji, benvidos á xungla, que o seu posible salto á política.
-Por que decidiu protagonizala?
-Os espectadores necesitan divertirse sempre. É un xogo eterno. Na película orixinal de Jumanji aparece no noso mundo e agora nós quixemos ir ao seu.
-É o avatar dun adolescente cohibido co seu físico. Estraña verlle dubidar de si mesmo.
-É precisamente o que lle ocorre a calquera adolescente. Foi, sen dúbida, o personaxe máis marabilloso, entretido e sorprendente que interpretei na miña vida. Hai moitos momentos de gargalladas e, francamente, todas son grazas a min [chancea]. As secuencias de acción son realmente chulísimas.
-Teñen algo que temer os fans de «Jumanji»? Respectan o traballo de Robin Williams?
-É unha homenaxe ao orixinal. Mantemos o espírito de sorpresa que tiña a primeira. É a nosa homenaxe ao amor de Williams polas películas familiares. Adoro o mundo no que vivía. Estou fascinado co filme e sei que sorprenderá ao público. Aínda que a verdade é que me entusiasmo con todo o que fago.
-Reactiva todas as franquías que lle ofrecen?
-Son oportunidades que non podes rexeitar. O estudo ofreceume relanzar esta e a min pareceume unha grande idea. Robin Williams é unha icona do cine, como é impagable traballar con Kevin Hart ou Jack Black. Ninguén pode connosco.
-Nun proxecto moi persoal que, ademais, produce.
-Si. Era unha oportunidade de contar unha gran historia, unha aventura que marcou a miña infancia e que me encanta. Cando tiven o guion pensei que era o momento de compartir a aventura Jumanji coas novas xeracións. Non o dubidei un momento. Embarqueime no proxecto e empezamos a rodar rapidamente. Así é Hollywood. Cando tes unha fiestra de tempo e o financiamento debes traballar con rapidez.
-Por que as novas xeracións necesitan a «Jumanji»?
-Porque fala da inseguridade adolescente, é unha aventura cun espírito moi positivo, e o avatar é unha grande idea. Calquera actor saltaría para facerse con personaxe de ter a oportunidade.
-Rodou con grandes humoristas e estrelas de acción e agora é vostede a grande estrela.
-Tiven a oportunidade de traballar con grandes elencos en Fast and Furious ou Baywatch. Agora a dinámica tamén é grupal, aínda que é certo que o meu personaxe é o líder. Pero non esquezamos que este filme é unha homenaxe a Robin Williams.
Esta nova película é unha homenaxe a Robin Williams