Tanxugueiras e Red Hot Chilli Pipers son as outras dúas bandas para esta edición, do 10 ao 17 de xullo
05 abr 2022 . Actualizado ás 17:00 h.Os escoceses Wolfstone, con máis de tres décadas de traxectoria, e os coruñeses de Luar na Lubre formarán parte do cartel do Festival de Ortigueira. Estas dúas novas confirmacións súmanse ás de Tanxugueiras , grupo co que arrincará esta edición, o 10 de xullo, e Red Hot Chilli Pipers, programado para o 15. Wolfstone tocará o 16 e Luar na Lubre regresará ao escenario da Alameda o último día, o 17.
Ortigueira prepárase para vivir o festival máis longo da súa historia, cunha semana de concertos e actividades, despois de dous anos de silencio, por culpa da pandemia. A organización do Festival Internacional do Mundo Celta , a cargo do Concello, agradece «as mostras de cariño do público e o apoio recibido» e agarda ofrecer «un festival inesquecible para os amantes do folk».