Seitura 22 inicia este martes en Mañón unha rolda de reunións informativas sobre as axudas Leader
NEDA
O prazo de presentación de solicitudes estará aberto ata o 30 de maio
06 may 2025 . Actualizado á 05:00 h.O Grupo de Desenvolvemento Rural (GDR) Seitura 22 iniciará este martes unha rolda de reunións informativas para explicar en detalle a convocatoria das axudas da iniciativa Leader para este ano. Será no centro sociocomunitario do Barqueiro (Mañón), ás oito da tarde. Seguirán o mércores, día 7, ás 19.30 horas, na Escola Laica de Cabanas.
O xoves, día 8, acudirán ao Centro Cultural Francisco Piñeiro, en Moeche, ás 18.30; e o venres finalizarán na Casa dás Palmeiras de Neda, ás 19.00. A asociación agrupa aos vinte concellos das comarcas de Ferrolterra, Eume e Ortegal, ademais de Miño e Vilarmaior. No Diario Oficial de Galicia (DOG) do 30 de abril publicouse a resolución da convocatoria das axudas para este exercicio. O prazo para solicitar as subvencións finalizará o día 30 de mayou.
Hai tres tipos de proxectos: produtivos (supoñen a creación, modernización ou ampliación de actividades económicas) e non produtivos, ben promovidos por entidades públicas locais, ben por entes privados. En www.seitura22.gal pódese consultar a información deste programa, igual que a través do correo info@seitura22.gal.