O partido que goberna en Narón ten este domingo esta tradicional cita, presidida pola alcaldesa Marián Ferreiro
13 sep 2025 . Actualizado á 05:00 h.Terra Galega, o partido que goberna en Narón, celebrará este domingo o seu tradicional Festa do Río. Na área recreativa de Pedroso xuntaranse máis de 500 persoas, con militantes e simpatizantes da formación unha vez retomado o curso político naronés.
No encontro participará a alcaldesa Marián Ferreiro, acompañada polo secretario xeral de Terra Galega, Guillermo Sánchez Fojo. Tamén acudirá o coordinador local do partido, Ibán Santalla, ademais de membros da corporación. A Festa do Río iníciase ás 13.00 horas cunha sesión vermú, amenizada por unha formación musical. Todo o día haberá inchables. E ás 14.00 horas intervirán Ferreiro, Fojo e Santalla.
Para rematar, haberá unha comida de confraternidade con callos e churrasco. E pola tarde, chegarán os xogos populares.