Os axentes presenciaron como vendía unha dose por 20 euros
31 may 2025 . Actualizado á 05:00 h.O xoves da semana que vén celébrase outro xuízo a un presunto narco detido en Narón. Neste caso enfróntase a cinco anos de prisión. Axentes da Policía Nacional de Ferrol presenciaron como o acusado se atopaba con alguén á altura do número 76 da estrada de Castela, en Narón, e realizaban unha transacción que consistiu na entrega de 20 euros a cambio dun envoltorio de plástico que contiña no seu interior unha substancia de cor branca.
Os policías arrestárono e no seu coche atoparon outro paquete de cocaína sobre o que o presunto camelo ía sentado: contiña unha cantidade neta de 0,512 gramos de cocaína cunha riqueza do 76,63%. A documentación do caso detalla que o valor total das substancias intervidas é de 120,19 euros. Ditas substancias estaban destinadas polo procesado á súa distribución a terceiras persoas.
A Fiscalía pide cinco anos de prisión con inhabilitación especial para o dereito de sufraxio pasivo e unha multa de 300 euros, coa responsabilidade persoal subsidiaria en caso de falta de pagamento de multa de 20 días de prisión.