Estudantes do centro naronés promoveron un deseño para lucilo durante a súa excursión a Ámsterdam
03 mares 2023 . Actualizado ás 22:08 h.Mola irse de excursión de fin de curso, e por iso aos alumnos e profesores de primeiro de Bacharelato do IES As Telleiras de Narón ocorréuselles facer unha camiseta para viaxar con ela posta o próximo 22 de marzo. Para financiar a viaxe, no que participarán 72 alumnos do centro acompañados por catro profesores, fixeron rifas, venderon rosquillas e desenvolveron infinidade de actividades. O obxectivo é que a excursión a Ámsterdam, que farán do 22 ao 26 deste mes, non supoña un impacto económico moi grande para as familias.
Todo ha ir moi ben e están desexosos de partir. Hai uns días tiveron a ocorrencia de encargar unha camiseta para usala durante a viaxe. Hainas en varias cores, pero en todas figura o mesmo texto. MOLAR, verbo intransitivo. Gustar. Resultar agradable e estupendo. Ir ao IES As Telleiras. O caso é que foi ensinar as camisetas e todo o instituto quere unha, así que encargaron unha nova remesa que xa están a vender e que mesmo loce orgullosa Mabel Díaz Fernández, a responsable da cafetería. E é que a toda esa comunidade educativa lle mola ser do IES As Telleiras e séntense orgullosos. A vicedirectora do centro, Estefanía Mosquera, profesora de , Galegomóstrase moi satisfeita pola exitosa iniciativa dos alumnos, que agora poderían emular os de cuarto e terceiro de ESO que viaxarán, respectivamente, a Tenerife e a Madrid. Que palabra elixirán? En calquera, caso bo viaxe a todos.