Alumnos ourensáns de Relacións Internacionais participan nunha simulación facendo de embaixadores da ONU
FERROL CIUDAD
A xornada de aprendizaxe será este venres no campus de Ferrol
05 may 2024 . Actualizado á 05:00 h.Un grupo de alumnos do grao de Relacións Internacionais, que se imparte no campus de Ourense e no campus industrial de Ferrol participarán este venres nunha simulación sobre o funcionamento da Organización de Nacións Unidas (ONU). A experiencia de aprendizaxe terá lugar na Facultade de Humanidades e Documentación de Ferrol.
Os estudantes ocuparán o lugar de embaixadores dos países membros para debater temas de actualidade que figuran na axenda da ONU. Os alumnos traballarán desenvolvendo borradores de resolucións, estratexias argumentativas e negociacións con países aliados. Participarán en tres consellos, o de Seguridade, o de Dereitos Humanos e o Consello Económico e Social. Sofía Castrillón e Teresa Hermida, alumnas do campus de Ferrol, coordinan a actividade.