Hai tres detidos e no rexistro interveuse haxix, unha pistola de aire comprimido e 2.570 euros, entre outros efectos
28 abr 2022 . Actualizado ás 12:59 h.A Comisaría de Policía Nacional de Ferrol-Narón dá por desarticulado un punto negro de venda de drogas no barrio de Recimil. Os axentes da brigada local de Policía Xudicial detiveron a tres homes e no rexistro efectuado nunha vivenda incautáronse de 210 gramos de haxix, unha lámpada halógena e un reflector, unha pistola de aire comprimido e unha báscula electrónica. Tamén se interviñeron 2.570 euros procedentes da venda de sustancias estupefacientes. A droga estaba disposta para a súa venda, parcelada segundo o tamaño, prezo e calidade, cun total de 80 doses.
As investigacións policiais comezaran a finais do ano pasado, por mor de varias denuncias de colectivos veciñais así como dos centros escolares situados nas proximidades.