A cifra de casos activos de covid-19 na área Sanitaria de Ferrol volveu a subir, pasando de 1.178 a 1.275 nas últimas 24 horas, contadas ata as seis da tarde do mércores. Segundo o último informe da Xunta, tamén se incrementou o número de hospitalizados en catro pacientes respecto da véspera. Así, no Arquitecto Marcide hai 61 ingresados en planta e dúas na unidade de coidados intensivos, e no hospital Juan Cardona de Caranza hai outros cinco hospitalizados.

Nas probas realizadas nas últimas 24 horas confirmáronse 168 novos contagios de coronavirus e a cifra de falecidos mantense en 283.

En canto ao balance global da pandemia na zona, desde que comezou contaxiáronse 35.066 veciños das comarcas de Ferrolterra, Eume e Ortegal, dos que 33.502 lograron superar a enfermidade. Sobre as probas efectuadas en todo o período, suman 253.600 PCR, 64.389 de antígenos e 89.648 doutro tipo, de acordo coa información facilitada polo Sergas.

---

---

---