Unha viaxe, da man da música, a través do tempo
31 jul 2021 . Actualizado ás 05:00 h.Mentres Ferrol pecha o seu festival de jazz, Neda e Narón quentan motores para acoller o Jazz de Ría 2021 os días 13 e 14 de agosto. Ao mesmo tempo, a directora deste festival de jazz, a ferrolá Aitana Cuétara, busca informantes que axuden a recuperar a historia do salón de baile que existiu na Ribeira de San Nicolás, en Neda. Alí vaise a celebrar un dos concertos máis bailables desta edición o próximo día 14 de agosto coa banda Aló Django e os seus contaxiosos ritmos de gipsy swing. Foron tres veciñas da zona as que por casualidade lle contaron a Aitana a historia do edificio que albergou o Salón dá Ribeira, en Neda, ao que agora, grazas ao relato de Carmen, Rosa e Teresa , o festival quere render homenaxe reconstruíndo a súa historia coa colaboración de veciños que acheguen anécdotas, testemuños, recordos, fotos, ou calquera outra información. Todos aqueles que desexen colaborar ou saiban de alguén que poida achegar algo se poden pór en contacto coa organización do festival a través das redes sociais de Jazz de Ría ou no teléfono 646 165 044.