Un vehículo envorca na autoestrada en Pontedeume e un motorista resulta ferido en Ferrol
FERROL CIDADE
Ambos os sinistros ocorreron ao redor das tres menos cuarto da tarde
10 jun 2019 . Actualizado ás 16:35 h.A autoestrada AP-9 rexistrou un aparatoso accidente esta tarde á altura de Pontedeume e un motorista resultou afectado por unha colisión cun turismo en Ferrol. Ambos os sinistros ocorreron ao redor das tres menos cuarto e, segundo as informacións recollidas pola central de urxencias CIAE 112 Galicia, ningunha persoa resultou ferida de gravidade. De feito, o condutor do coche accidentado na autoestrada saíu polos seus propios medios do vehículo, logo de sufrir unha saída de vía e posterior envorco á altura do quilómetro 16.5 en dirección a Ferrol, no carril esquerdo.
O outro choque ocorreu nunha rotonda da avenida de Esteiro entre un coche e unha moto. O motorista resultou afectado, aínda que o seu estado non reviste gravidade.