O técnico ferrolán non realizou ningún cambio no once no encontro fronte ao Bergantiños
25 mares 2019 . Actualizado ás 05:00 h.Sabía que sería un encontro máis que complicado no campo do máximo rival ata o momento en Terceira División e co gran hándicap das lesións. Polo que o técnico do Racing de Ferrol, Emilio Larraz, regresou das Eiroas coa lección aprendida. «Podiamos ter feito máis dano en ataque, os balóns non sempre chegan nas mellores condiciones pero foi unha boa aprendizaxe», valorou o adestrador ao finalizar o encontro.
Os seus manteñen o liderado grazas a sumar este punto. Aínda que agora teñen tanto ao Bergantiños como ao Compostela no retrovisor. O mellor: a fortaleza demostrada xa que non fixo ningún cambio durante os noventa minutos. «Fisicamente o equipo respondeu. O conxunto local tivo os seus momentos de empurre e nós tamén. Seguimos líderes e gañamos unha semana máis para recuperar efectivos». E Chema reivindicouse baixo os paus. «Estivo fenomenal. Tivo dúas intervencións sensacionais, transmitiu moita seguridade en cesións, golpeos e saídas. Alégrome por el e podemos estar tranquilos coa portería», felicitou.