Xornadas de Xeografía Física no Xeoparque do Cabo Ortegal: «Todos quedaron abraiados»
ORTIGUEIRA
CARIÑO
Francisco Canosa guiou a un grupo dunhas 40 persoas polo territorio
07 jun 2025 . Actualizado á 05:00 h.A Sociedade Española de Xeografía Física organiza as Xornadas de Xeografía Física de Galicia, coordinadas polo grupo da Universidade de Santiago de Compostela (USC). Nesta edición, a 38, os preto de 40 participantes, de toda a Península e Canarias, e tamén de Latinoamérica, percorreron parte do territorio do Xeoparque do Cabo Ortegal.
Guiados polo doutor en Xeoloxía Francisco Canosa, visitaron a costa de Loiba e Espasante (Ortigueira), Cariño e o cabo Ortegal, a Garita de Herbeira e Chao do Monte (Cedeira), en plena Serra dá Capelada.
«Algúns descoñecían a zona e o xeoparque, outros estiveran hai anos, todos quedaron abraiados polo lugar e marcharon moi contentos», destacou Canosa.