Somos pide un pleno extraordinario polo impacto das obras de saneamento na praia de Cabanas
CABANAS
CABANAS
A sesión non foi convocada, de momento, e o asunto non figura na orde do día do pleno ordinario
23 mares 2024 . Actualizado ás 05:00 h.O concelleiro de Somos Candidatura Veciñal, Xosé Manuel Sardiña, solicitou a convocatoria dun pleno extraordinario para que compareza o alcalde de Cabanas , o popular Fernando Couce, e explique as obras do colector de saneamento e a súa posible afectación á praia da Madalena.
Sardiña sostén que os traballos «afectan severamente a un espazo de referencia no concello» e pide «toda a documentación dispoñible na corporación sobre as obras».
Esta solicitude formulouse o día 14 e, de momento, o rexedor non convocou a sesión. Tampouco incluíu este asunto na orde do día do pleno ordinario que se celebrará o vindeiro mércores, día 27.