Esta nova área de descanso permanecerá aberta ata o 15 de setembro, todos os días da semana, en horario de 14:30 a 20:30 horas
12 jul 2025 . Actualizado á 05:00 h.O Concello das Somozas puxo en marcha este verán unha nova zona de descanso e lecer anexa á piscina municipal ao aire libre. Este espazo axardinado está equipado con tumbonas e antucas, co obxectivo de ofrecer maior comodidade aos usuarios.
A zona permanecerá aberta ata o 15 de setembro, todos os días da semana, en horario de 14:30 a 20:30 horas. Ademais, as persoas abonadas ao pavillón polideportivo multiusos poden acceder de forma gratuíta e, un ano máis, a piscina conta tamén con servizo de cantina.