A equilibrista travesía dun transporte especial impresiona en Mugardos: esquiváronse casas por centímetros
FERROL
Pezas de barcos levaron durante máis de tres horas desde o polígono Vilar do Colo ata os peiraos mugardeses, custodiadas por Policía Local e Guardia Civil
15 oct 2025 . Actualizado á 16:51 h.Ante a grande expectación dos veciños, un transporte especial cruzou hoxe o centro de Mugardos nunha travesía propia de equilibristas. Pezas de barcos de gran tamaño trasladáronse desde o polígono Vilar do Colo ata os peiraos mugardeses, esquivando casas por centímetros e tamén sinais de circulación como se pode comprobar nos vídeos desta noticia.
A viaxe durou máis de tres horas, entre o parque empresarial (situado entre Fene e Cabanas) e o seu destino final no porto de Mugardos. Xa onte, a Policía Local de Mugardos avisou de cambios no tráfico este mércores no centro da poboación, debido a este paso. En toda a avenida de Galicia, desde as 08.00 da mañá ata as 20.00 da tarde, non se poderá aparcar.
Segundo indican os axentes, «ese transporte especial alterará a circulación, procede do polígono de Vilar do Colo (compartido por Fene e Cabanas) e chegará ata o porto de Mugardos». Consistiu no traslado de pezas dun barco que despois levarán por auga ata o estaleiro da Graña. Ao seu paso foi escoltado pola Agrupación de Tráfico da Garda Civil e a Policía Local.