O fiestón de Basket School con canastras, arroz e abrazos: «Temos sangue verde e branca»

Entre abrazos de despedida, brinde polos éxitos e unha grande enchente, o Basket School volveu celebrar o seu xa tradicional fiestón de fin de tempada. No pavillón de Santa Mariña houbo bágoas, partidos, pratos de arroz e chourizos criollos baixo un sol abrasador. E segundo a directiva deste club de baloncesto de Ferrol, «a décimo cuarta tempada deste club de baloncesto escorreuse entre os nosos dedos, nunha celebración ao grande que case ninguén se quixo perder». Como lembran os participantes, aquí impera sobre todo o orgullo de «ter sangue verde e branca».

Case sen voz tras tan festiva xornada e aferrado ao micrófono, o presidente Félix Ramos Martínez rendeu homenaxe aos que se despiden do Basket School. E sobre todo rogou que «o ano próximo e o seguinte estemos orgullosos do noso comportamento nas pistas e na bancada». Os principais homenaxeados foron precisamente os mozos júnior: «Manucho, Antón, Issa, Néstor, Dani Miramontes, Javi Aguirre, Souley, Javi Blanco, Ibra, Marquitos, Dani Couce... foron un grande exemplo para todos nós, de verdade, fantásticos, sabemos que tedes sangue verde verde e branco de Basket School».

O gran fiestón do Basket School para pechar «toda unha tempada de éxitos»

La Voz

A festa iniciouse coa visita de exxogadores nun partido contra os júnior que «remataban categoría e que xogaron de xeito tan brillante o campionato galego». Despois disputouse un 3x3, antes da comida de arroces e chourizos acompañados por pratos que tamén trouxeron as familias. O club agradece ese apoio de nais e pais, os propios equipos de cociña e «responsables do ambigú de Santa Mariña polo disposición e agarimo».

De todos os xeitos, a teor do discurso do presidente, seguramente ningunhas das despedidas convértanse nun ata logo. O club prepara grandes novidades a partir de agosto. E mentres tanto, toca seguir soñando con baloncesto en blanquiverde. 

---

---

---