«É urxente mellorar unha infraestrutura que conta con poucas zonas de adiantamento, algunhas moi perigosas», afirmou nunha reunión coa conselleira da área
04 dic 2024 . Actualizado á 05:00 h.O alcalde dAs Pontes, Valentín González Formoso, reuniuse coa conselleira de Vivenda e Infraestruturas, María Martínez Allegue, para tratar a «urxente necesidade» de mellora da estrada AC-861, que conecta As Pontes con Cabanas. Formoso incide en que a vía está obsoleta, con poucas zonas de adiantamento e algunhas perigosas, polo que propón, entre outras medidas, a construción de circunvalacións en Goente e A Capela para mellorar a seguridade viaria. «É urxente mellorar unha infraestrutura que conta con poucas zonas de adiantamento, algunhas moi perigosas», afirmou. Apunta a elevada densidade de tráfico, con máis de 5.000 vehículos diarios, e a necesidade de garantir unha conexión coa AP-9. En canto ao Plan de Vivenda, o alcalde presentou medidas para rehabilitar e rexenerar o parque local. A conselleira expón asinar un convenio de colaboración co que os propietarios poderían acceder a seguros de falta de pagamento de alugueiro e de danos.