Unha maqueta realizada por Eduardo Alonso Barajas
26 mares 2024 . Actualizado ás 10:12 h.Estes días, na rúa Real 140, o Terzo de Jesús Nazareno da Confraría de Dolores montou unha tenda de recordos da Semana Santa na que, ademais de comprar algún detalle, podemos ver a maqueta realizada por Eduardo Alonso Barajas con máis dun milleiro de figuras en miniatura que reproducen unha Semana Santa con sumo coidado. O artista, natural do barrio de Esteiro, pintou a man as figuritas de chumbo que están colocadas no que simula ser un pobo imaxinario vivindo a súa Semana Santa. Enma Rodríguez, organizadora do Terzo, apunta «non falta detalle, á parte de estar os pasos, os terzos, as bandas, aí está todo o público, o señor dos xeados, o dos globos...». A maqueta é un auténtico reclamo e merece a pena vela.