Brais Lorenzo capitanea o taller de fotografía documental do Festival de Ortigueira
FERROL
Xa só queda unha praza libre no taller que organiza o colectivo Galioart
09 jul 2023 . Actualizado á 05:00 h.Brais Lorenzo, premio Luis Ksado 2023, estará a cargo do taller de fotografía documental que promove o colectivo Galioart, dentro do Festival de Ortigueira, con apoio da organización. Xa só queda unha praza por cubrir (inscrición en galioart.fotografia@gmail.com ou chamando ao 652 659 387). Na web do colectivo pódese consultar a información do curso.
O taller lanzouse en 2016 e xa contou con Alberte A. Pereira, Xulio Villarino, Tono Arias e Eutropio Rodríguez. «Buscamos fotógrafos documentalistas galegos con traxectoria como docentes, que trasladen aos participantes uns obxectivos para desenvolver ese ano [no transcurso do festival]», explica Jesús Manuel Giz Novo.
Hai quen repite a experiencia de moverse coa cámara polos distintos escenarios polos que discorre o Mundo Celta, para logo compartir o seu traballo co resto do grupo.