Co mesmo león de grandes dimensións que presentou en Xenebra, Peugeot mostraba unha ampla «caseta» con espazo para numerosas novidades, pero en especial para un dos coches que máis fotografías conseguiu, o E-legend. un modelo con aire retro pero totalmente electrificado e que lembraba ao 504.
14 oct 2018 . Actualizado ás 05:00 h.E l E-Legend mostrábase en París como un dos modelos máis rechamantes. Cun aire retro inspirado no Peugeot 504, os seus deseñadores lograron crear unha silueta a metade de camiño entre o antigo e o moderno. Sin duda o moderno está no seu corazón, xa que equipa un motor eléctrico cento por cento, con 462 cabalos e unha autonomía de 600 quilómetros. Outra gran novidade é que o seu volante se pode escamotear tras o cadro de mandos para dar paso a unha gran pantalla e que o coche conduza o só de forma autónoma. Foi tal o éxito do seu deseño que a xente está a votar para que se fabrique en serie.
Mentres a marca se decide, Peugeot tamén expuña os produtos que pronto estarán nos concesionarios. Aquí había espazo para o novo Rifter, o Partner en versión de carga ou furgón e o atractivo Peugeot 508 con carrocería familiar, denominado SW e que en París se mostraba cunha versión limitada denominada First Edition cuxo prezo podería roldar os 50.000 euros. Tamén deixou claro a marca que quere electrificar os seus coches ou ben dotalos de motores híbridos enchufables, pero nunca crear unha gama exclusiva destes vehículos.
PETICIÓN POPULAR
Todos os asistentes ao salón apiñámonos ante este modelo pedíndolle á marca que algún día o fabrique en serie. E é que o seu atractivo deseño, evocando ao 504, desataba unha petición popular que a marca podería escoitar.
HÍBRIDOS ENCHUFABLES
A marca anuncia que dotará aos seus modelos actuais de motores híbridos e eléctricos.
O 508 MÁIS FAMILIAR
En París a marca presentou a carrocería SW da súa berlina 508, e fíxoo cun acabado First Edition que non pasaba desapercibido ante as miradas dos asistentes polo seu nivel de equipamento.