Os Mossos abriron unha investigación para esclarecer os feitos
01 jul 2025 . Actualizado á 18:41 h.Traxedia en Valls (Tarragona), coa onda de calor como pano de fondo. Un neno de dous anos perdeu este martes a vida no interior dun coche. Todo apunta a que o pai tivo un descoido e esqueceu á criatura dentro do vehículo durante varias horas, con calor sufocante como o que soporta Cataluña desde hai días. A autopsia determinará se as elevadas temperaturas provocaron o seu falecemento, tras quedarse no coche. Os Bombeiros da Generalitat recibiron un aviso pasadas as tres da tarde.
O pequeno levaba varias horas dentro do coche cando chegaron os bombeiros e sacárono do turismo xa sen vida. A Policía catalá abriu unha investigación para esclarecer as circunstancias do que todo apunta como unha imprudencia mortal do pai, que deberá aclarar por que deixou ao neno só e dentro do coche. O vehículo estaba aparcado nunha zona industrial de Valls, a uns 37 graos. A temperatura aumenta nun coche pechado.