O xuíz Llarena dá 5 días ao fiscal para que informe sobre se excarcera a Joaquim Forn e Jordi Sánchez
ESPAÑA
As defensas dos dous presentaron os escritos solicitando a súa liberdade a semana pasada, un día despois de desmarcarse da vía unilateral no proceso independentista
19 ene 2018 . Actualizado ás 13:18 h.O maxistrado do Tribunal Supremo Pablo Llarena deu traslado á Fiscalía e ao resto das partes presentadas na causa do «procés» dos escritos nos que o exconseller de Interior da Generalitat Joaquim Forn e o expresidente da ANC Jordi Sànchez solicitan ser excarcerados para que informen, no prazo de cinco días, se están ou non de acordo con esta petición.
As defensas dos dous investigados presentaron os escritos solicitando a súa liberdade a finais da semana pasada, un día despois de desmarcarse na súa declaración ante o xuíz Llarena da vía unilateral no proceso independentista en Cataluña e asegurar que a partir de agora actuarían seguindo as vías constitucionais.
O maxistrado agardará a coñecer a postura de todas as partes antes de pronunciarse sobre este asunto, sinalaron fontes xurídicas, polo que é probable que a súa decisión sobre a situación de ambos os investigados non se coñeza aínda a próxima semana.
