10 oct 2025 . Actualizado á 05:00 h.
O concelleiro de Novas Tecnoloxías da Estrada, Manuel Magariños, desprazouse onte ata a sala Abanca para comprobar como está a funcionar na vila a experiencia itinerante do Instituto Nacional de Ciberseguridade (Incibe), unha entidade dependente do Ministerio para a Transformación Dixital e de Función Pública. Xa foron moitos os estradenses, sobre todo estudantes, que se achegaron ás instalacións. O que busca este espazo é favorecer a concienciación en materia de ciberseguridade, xa que o Incibe persegue elevar os niveis de cultura nesta materia para que calquera usuario póidase manexar con confianza e seguridade na era dixital.