O paro subiu en 67 persoas no mes de outubro na zona. Son 2.192 persoas sen traballo: 1.341 en Deza, onde a cifra aumentou en 36 persoas no último mes e 851 en Tabeirós-Terra de montes, 31 máis. Por concellos Dozón conta con 25, Agolada con 66 (+1), Lalín con 793 (+11) e Rodeiro con 40 (+2). En Silleda con 275 e Vila de Cruzamentos con 142, a cifra aumentou en 11 persoas en outubro en cada un destes concellos. Na Estrada son 737 (+26), 83 en Forcarei (+6) e 31 en Cerdedo (-1).
Contabilízanse 85 menores de 25 anos sen traballo: 58 en Deza e 27 en Tabeirós. As mulleres seguen sufrindo máis o desemprego con 1.332 apuntadas: 825 en Deza e 507 en Tabeirós fronte a 860 homes: 516 en Deza e 344 en Tabeirós. Por sectores, o de servizos copa o groso con 1.435 persoas, 837 en Deza e os 598 restantes en Tabeirós. No agrario contabilízanse 118 persoas sen traballo: 81 en Deza e 37 en Tabeirós. A estas engádense 299 na industria: 212 en Deza e 87 en Tabeirós, 143 na construción; 76 en Deza e 67 en Tabeirós e 197 persoas á espera de atopar o seu primeiro emprego: 135 de Deza e 62 de Tabeirós.
Por outra banda, en outubro creáronse nas comarcas un total de 8 sociedades mercantís na zona: 5 en Deza (4 en Lalín e 1 en Silleda) e 3 en Tabeirós (2 na Estrada e 1 en Forcarei).