O alcalde Mariano Iglesias foi o encargado de entregar o cheque da doazón do diñeiro conseguido co evento
29 dic 2025 . Actualizado á 15:40 h.O pasado sábado tivo lugar en Mesía o XIV Torneo contra o cancro a favor da Asociación Española Contra o Cancro (AECC). Organizado polo concello e coa achega de particulares, das empresas colaboradoras e dos patrocinios do Grupo Ramón García ERIMSA e CAMPO SL, lograron realizar unha doazón dun total de 2.852 euros.
O evento contou con seis equipos participantes na categoría masculina, que disputaron unha liga dividida en dous grupos, tras os que catro accederon ás semifinais. O trofeo, entregado polo alcalde Mariano Iglesias, levantouno o 2002 FS.
O rexedor tamén foi o encargado de outorgar o cheque da recadación ás representantes da delegación de Ordes da AECC. Ademais, membros do EDM, club de hóckey sobre patíns de Ordes, realizaron unha exhibición sobre o parqué do pavillón.