Covas, na crista da onda do surf mundial no mes de xuño co Gadis Surf Festival Ferrol
DEPORTES
Celebrarase entre o 25 e o 29 de xuño, coAs Cabazas como cuartel basee e unha infinidade de actividades paralelas
07 may 2025 . Actualizado á 16:48 h.O Gadis Surf Festival Ferrol, que se celebrará nas praias da Fragata e Esmelle entre o 25 e o 29 de xuño, volve situar a Covas na crista da onda do surf mundial. A cita, adscrita á World Surf League, convértese xunto ao Pantín Classic e o Xuño Pro Razo na terceira en todo o territorio galego, que é o que máis acumula de todo o mundo este circuíto de competición.
Ver esta publicación en Instagram
Como novidade, este ano o evento incorpora a proba Junior WLS JQS 1.000, que se suma á de Longboard LQS 1.000.
Ademais, adiantan desde a organización, manterase o habitual open, que permitirá aos talentos emerxentes de Galicia por un billete para participar na competición principal. Ademais, a celebración do evento coincide coa reapertura do Cámping dAs Cabazas, que ampliará as opcións de aloxamento para participantes e amantes da disciplina deportiva que aproveiten a cita para coñecer Ferrol e a súa costa. Así, xa na dimensión máis social do festival, a organización busca ampliar a oferta de actividades paralelas e facer do festival todo un polo de atracción.
Gastronomía e música
Por todo iso, adiantan, haberá unha zona de postos de artesanía e gastronomía e está prevista a organización de bautismos de surf e skateboard gratuítos para todas as persoas interesadas.
Ademais, está prevista a celebración dun campionato de skate, con atractivos premios en metálico e «exhibicións de alto nivel», segundo determinan. A entrada é de carácter libre e gratuíto e é unha data idónea para dar o pistoletazo de saída ao verán na área de Ferrol.
«Está pensado como unha experiencia completa, que busca achegar a cultura do surf a un amplo público, fomentar o deporte ao aire libre e consolidarse como un dos eventos máis atractivos do calendario», debullan desde a organización dun evento que busca ampliar a forza da área como destino de surf.