O adestrador español conseguiu situar ao Vizela a dous puntos da salvación
15 mar 2024 . Actualizado á 13:37 h.O técnico español Rubén da Barreira, que chegou ao Vizela portugués a finais de decembro para sacar ao equipo do descenso, podería abandonar a penúltima praza se mañá sábado vence a domicilio ao Porto, recentemente caído na liga de Campións ante o Arsenal de Mikel Arteta.
Nos últimos tres encontros da liga lusa logrou 5 puntos, polo que deixou atrás o faroliño vermello con 21 puntos, a un do Estoril, que ocupa a praza de promoción, e a dúas do Portimonense, en zona de salvación.
Nesta 26ª xornada, o Porto, terceiro na táboa con 55 puntos, non pode picar se quere achegarse á segunda praza, que ocupa o Benfica (61) e que dá acceso á fase previa da liga de Campións.