O seleccionador de Suecia, un dos rivais do grupo de España, anuncia a baixa do dianteiro
16 may 2021 . Actualizado á 09:58 h.Zlatan Ibrahimovic, dianteiro do Milan italiano, non poderá disputar a Eurocopa coa selección de Suecia pola lesión que sufriu co seu equipo no xeonllo esquerdo a principios de mes.
Segundo informa a Federación Sueca de Fútbol, o futbolista informou ao seleccionador, Janne Andersson, que a súa lesión lle impedirá estar no torneo continental, que comezará o 11 de xuño en Roma co partido Turquía-Italia.
A volta de Ibrahimovic á selección sueca despois de retirarse tras a última Eurocopa de Francia 2016 -retornou en marzo- era un dos atractivos engadidos do torneo continental e fundamentais no equipo nacional nórdico.
«É triste, especialmente para Zlatan, pero tamén para nós. Agardo que volva ao campo canto antes», afirmou Andersson sobre a ausencia do atacante de 39 anos, que se lesionou o pasado 9 de maio nun encontro da Serie A contra o Juventus.
Será unha ausencia transcendente para Suecia, que, dentro do grupo E, estrearase na Eurocopa ante España nA Cartuxa de Sevilla o 14 de xuño. Logo enfrontarase a Eslovaquia (18) e Polonia (23) en San Petersburgo.