A casa Panchés, en Carnota, do estudo Arrokabe, premio de arquitectura en madeira Cesuga
CULTURA
O galardón a a mellor reforma foi para o edificio da Autoridade Portuaria da Coruña obra do estudo coruñés Costas+Pedrós
21 may 2024 . Actualizado ás 23:47 h.A casa Panchés, en Carnota (A Coruña), deseñada polo estudo compostelán Arrokabe, alzouse co premio de arquitectura en madeira Cesuga-Pino de Galicia. O xurado estima o proxecto como unha intervención modélica na que valora especialmente «o uso intensivo da madeira, a integración sensible coa contorna, a amplitude espacial e a reinterpretación de tipoloxías tradicionais». A edificación compartiu a distinción ex aequo co mercado provisional de Horta, en Barcelona, de Ravetllat Arquitectura e Carles Enrich Studio.
O premio á mellor reforma foi para o edificio da Autoridade Portuaria da Coruña, obra do estudo coruñés Costas+Pedrós. O xurado entende que demostra que «a rehabilitación dunha preexistencia pode transformar radicalmente o espazo mediante o enxerto dunha peza autónoma como motor da espacialidad previa».
O expositor COplant, deseñado polo estudo de Tui de Jorge Enríquez e Adrián Pinaque para mostrar plantas, gañou na categoría de deseño de produto e pequena escala. E o premio marca de calidade Pino de Galicia foi para a Casa IDE e Taller Grau (Ames), obra do gabinete valenciano Rellam, que traballou coa madeira fabricada por Xilonor, primeira planta de madeira contralaminada de Galicia, radicada en Coirós.