Os veciños dAs Brañas habían denunciando o estado da canle, con moita vexetación
30 ago 2025 . Actualizado á 05:00 h.Veciños dAs Brañas mostraron este venres a súa preocupación polas condicións nas que está a canle do río Fontoira. O seu temor é que a maleza que se acumula na zona onde existe unha canalización despréndase e obture a canle, o que podería afectar o desaugadoiro do río, que conflúe co Maior e suporía un problema. Neste sentido, chegaron a propor acometer esta limpeza se o Concello non a leva a cabo, tendo en conta que xa comezaron as choivas.
Con todo, o alcalde, Benito Portela, asegura que os traballos están xa programados e puntualizou que na zona xa están situadas os valos para acometer esta limpeza a partir do próximo luns. Asegura que é unha actividade que anualmente se programa e que neste exercicio adiantouse ás datas nas que normalmente se executa.
Recoñece que son traballos que xeran grande expectación veciñal, pero que nesta ocasión xa estaban previstos. Os valos que se poden ver na zona reservarán espazos desde o luns ata o mércores.
As grandes inundacións que se produciron no 2016 nesa zona do núcleo urbano dAs Brañas motivaron que os residentes se mostrasen nos últimos tempos especialmente atentos ao estado das canalizacións.