Acesada invita o sector terciario de Sada a participar na ambientación da Feira Modernista
CORUÑA
SADA
Desde a xunta directiva fan un chamamento á participación dos seus socios e ao resto de comercios e hostaleiros locais no evento que terá lugar os días 1, 2 e 3 de agosto
03 jul 2025 . Actualizado á 17:12 h.A Feira Modernista de Sada levarase a cabo os días 1, 2 e 3 de agosto. A Asociación de Comerciantes e Empresarios de Sada (Acesada) anima a todos os seus socios e ao resto de comercios e hostaleiros da zona para participar no que denominan «un dos eventos máis agardados do ano», decorando os seus escaparates e negocios acordes á época.
A asociación lembra que «a implicación de cada comercio importa», posto que repercute directamente na afluencia de visitantes e actúa como motor dinamizador do comercio, axudando a xerar impacto positivo en todo o tecido empresarial de Sada.