Un condutor dá positivo en drogas tras meterse en dirección contraria por un túnel e chocar contra unha vivenda en Oleiros

Un coche en dirección contraria na ponte da Pasaxe, flanqueado por dous automóbiles da Garda Civil chamou a atención de numerosos condutores que circulaban á primeira hora da tarde deste domingo pola ponte que une Oleiros e A Coruña. Os vehículos estaba no carril dereito, en dirección a Lugo, á altura dos restos da casa Carniceiro.

Segundo informou a Garda Civil de Tráfico, o turismo circulaba en dirección á Coruña e no túnel en Perillo, meteuse en dirección contraria, pasadas as catro e media da tarde, e chocou primeiramente cun lateral da vía e impactou, posteriormente, contra unha vivenda. Unha patrulla de Tráfico interceptouno. O condutor circulaba cun menor a bordo e deu positivo en drogas.

---

---

---