Detido tras increpar aos clientes e a camareira dunha cafetería da Sagrada Familia, na Coruña

Os clientes dunha cafetería situada no cruzamento da avenida Fisterra coa rúa Antonio Carballo víronse sorprendidos este mércores pola mañá por un home que irrompeu no local e empezou a increpar á camareira e a arremeter con parte do mobiliario. Sucedeu ao redor das 10.00 horas e de inmediato varias patrullas da Policía Local e Nacional acudiron ata alí. «Estaba fose de si. Empezou a berrar e incluso tirou un dos bancos ao pé dun cliente, pero por fortuna non foi a máis», comentou a empregada do negocio esta mañá no programa Voces da Coruña, de Radio Voz. «O mozo viña moi alterado. Debía estar de festa desde onte. Levárono detido. É incrible que veñas traballar e teñas que aguantar isto», engadiu. 

Cando os axentes do 091 que acudiron ata o lugar revisaron os datos do home que protagonizara o altercado, comprobaron que sobre el pesaba un requirimento previo do xulgado, polo que foi detido.

---

---

---