Os grandes referentes do folk en galego pasarán polo Teatro Colón da Coruña entre decembro e maio
A Coruña
As entradas xa poden adquirirse a través de Ataquilla e tamén no propio teatro e no quiosco da praza de Ourense
22 dic 2023 . Actualizado ás 17:17 h.O Teatro Colón acollerá entre decembro e maio o ciclo Folk non Colón, unha proposta que levará ata este recinto cultural a grandes referentes da música galega. «A selección de artistas e bandas responde a unha longa e exitosa traxectoria musical e á publicación nos vindeiros meses de novos traballos discográficos, que a cidadanía coruñesa poderá descubrir en directo», sinalou este venres o edil de , Fomento e Promoción da CidadeGonzalo Castro, durante a presentación do evento. O concelleiro estivo acompañado por algún dos artistas que forman parte deste proxecto como Susana Seivane, Bieito Romero , Budiño, Quique Peón ou Xabier Díaz.
A primeira das actuacións será a de Susana Seivane o próximo 28 de decembro. A gaiteira presentará a partir das 20.30 horas Sete, o seu sétimo álbum de estudo no que mestura o son da gaita con enfoques contemporáneos e sen perder a esencia que a levou a ser un das artistas de música galega máis internacionais. O 7 de xaneiro subirá ao escenario, tamén ás 20.30 horas, Leilía, dentro da súa xira de despedida Anque me vou non me vou.
O 26 de xaneiro será a quenda de Luar na Lubre, o 24 de febreiro actuará Budiño, mentres que para o 14 de abril agárdase a actuación de Xabier Díaz & Adufeiras de Salitre. O ciclo pecharao Vos do fondo dá barra cun concerto o 30 de maio.
As entradas para todas as actuacións xa se poden adquirir de xeito online a través de Ataquilla e tamén de xeito presencial nos despachos de billetes, tanto do Teatro Colón como no quiosco da praza de Ourense.