CONTIDO PATROCINADO
La Voz de Galicia

O pasado mes de setembro, a distribuidora pontevedresa Difersa & Primavinia adquiriu o 100% da sociedade Exclusivas Limia, S.L., unha das distribuidoras ma?s antigas e rendibles da provincia da Corun?a. Trátase dun paso máis no plan de desenvolvemento e consolidación e na aposta polo crecemento de Difersa & Primavinia, unha empresa que pechou o exercicio de 2023 cunha marca de facturación, superando as previsións de obxectivos marcados.

«Os nosos actuais obxectivos -explica Hugo Fernández, CEO da firma- é especializarnos, aínda máis se cabe, no sector profesional, potenciar a canle en liña e incidir na formación, tanto do noso equipo como dos nosos clientes».

Gama media-alta

Difersa & Primavinia é unha empresa con sede en Goián (Tomiño), con máis de tres décadas de traxectoria no sector da distribución, principalmente de viños, aínda que un 20% da súa oferta tamén está dedicada á alimentación gourmet, a accesorios para o viño e a agasallos de empresa.

«Definímonos como unha distribuidora de viños de gama media-alta», explica Hugo Fernández, quen tamén destaca o feito de que todo o que distribúe Difersa & Primavinia é en exclusiva.

A distribuidora pontevedresa comercializa viños e espumosos das principais denominacións de orixe españolas (Rías Baixas, Ribeiro, Monterrei, Rioxa, Ribeira do Douro, Castela e León...), así como viños de Francia, Italia e Portugal. No seu catálogo podemos atopar viños de adegas de tanto renome como Marqués de Riscal, Mauro, Arzuaga, Aalto e un longo etcétera.

Os principais destinatarios dos viños que distribúe Difersa & Primavinia son profesionais da hostalería: hoteis, restaurantes e cafeterías. Aínda que tamén comercializan a particulares. «A calquera persoa que queira gozar dos nosos viños, levámolos a casa», comenta Hugo Fernández.

Difersa & Primavinia dispón de distribución física e en liña. «En toda Galicia facémolo con loxística propia, e no resto de Europa, con terceiros», explica o CEO da empresa.

Mercado do Nadal

Nesta nova etapa, Difersa & Primavinia reafirma o seu compromiso de seleccionar os mellores produtos, buscando as mellores adegas por medio mundo para ofrecer unha coidada selección aos seus clientes.

A empresa tamén pon ao dispor dos profesionais da hostalería un servizo de asesoramento á hora de poder configurar a súa adega, así como outro de formación para que os profesionais e os seus equipos sexan capaces de sacarlle o máximo partido á súa carta de viños.

Do mesmo xeito que os últimos anos, neste 2024 Difersa & Primavinia, é tamén o provedor exclusivo de viño do Mercado do Nadal de Vigo.