Rubén Domínguez: «Hai que darlle valor a cada punto»

Tras o partido no Tajonar Rubén Domínguez deu importancia ao momento sumando nun empate sen goles. «Foi unha primeira parte moi igualada e na segunda parte faltounos o gol. Creo que co cambio de sistema estivemos mellor, creo que empurramos e xeramos situacións de gol, pero para gañar hai que metelas e non o fixemos», explica. E precisamente foi iso o que faltou. «Hai que darlle valor a cada punto, tratamos de gañar, pero cando non pasa, polo menos hai que sumar. É unha liga moi igualada», insiste lle técnico, que ademais destaca que sumaron en tres do últimos catro partidos é meritorio a estas alturas da competición.

Tras a derrota contra o Cacereño, puntuaron fronte ao Lugo en Pasarón e este sábado en Pamplona. Ademais, Domínguez resaltou os resultados dos rivais directos esta fin de semana para apontoar a dificultade da competición agora que entra no último tramo. Unha vez máis mostrou o seu rexeitamento á revisión de xogadas. «Xa dixen a inicio de tempada que a min non gustaba porque é moi difícil para os árbitros que coas imaxes que lles dan poidan cambiar situacións», comenta. O seu rexeitamento á revisión das xogadas manteno a pesar de que o Pontevedra foi beneficiado este sábado cunha amarela ao Osasuna e unha falta desde a frontal da área. «A cámara que temos no banco vai con retardo e sempre nos fiamos dos que nos di o xogador. Comentounos que lle deu e por iso pedímolo», engade.

---

---

---