O goleador estoniano Kablik preséntase ao fútbol español no derbi Lugo B-Viveiro
CDLUGO
O cadro mariñán obtivo o tránsfer do internacional sub-19 este venres e tratará de encadear a súa quinta xornada consecutiva sen perder na Cheda
12 dic 2025 . Actualizado á 22:02 h.Unha das mellores promesas de Estonia, Henri Kablik (Tartu, 2005), arrincará o seu desafío no fútbol español no derbi provincial que este sábado enfrontará ao CD Lugo B e o Viveiro CF (A Cheda, 18 horas). Tras varios días adestrando cos seus novos compañeiros, o tránsfer do autor de 28 goles co filial do Levadia durante os dous últimos anos e internacional sub-19 chegou na tarde deste venres ás oficinas do Kiko Rey-Cantarrana e o mozo dianteiro será a gran novidade na convocatoria de Alberto López.
Tras catro xornadas sen perder, os mariñáns poden dar un bo salto na táboa ante un rival que os supera por tres puntos e sitúase a só dous do play off. O pichichi Aday Alcalde, con nove goles, é a principal ameaza para un cadro mariñán que só recibiu un tanto, e de penalti, nas catro xornadas que o afastaron do descenso.
O filial albivermello de Dani Galán loce unha extraordinaria solidez e sufriu tres dos seus catro derrotas ante rivais instalados no top 4 da Terceira RFEF. Vén de gañar 2-3 ao Gran Peña.