O gol do mozo futbolista no último suspiro permite o triunfo ante o pechacancelas
19 nov 2023 . Actualizado á 18:29 h.O CD Lugo continúa a súa viaxe cara á Segunda División, e faio grazas ao gol que marcou Antonetti no último suspiro do partido ante o pechacancelas, o Sabadell. Ese tanto permite aos albivermellos seguir na pomada. E iso que non o tivo sinxelo, pero máis por deméritos propios que por méritos do opoñente.
Ao cadro de Munitis faltáronlle ideas en certos momentos do choque, sobre todo na parcela ofensiva, na que se motó a ausencia de Ledesma, que é clave neste conxunto. Tamén lle custou xerar polas bandas. Isto contrasta co gran traballo defensivo e dos dous medios centros.
O partido comezárono con intensidade os arlequinados, que someteron ao Lugo a unha intensa presión. Con todo, os albivermellos sorteárona con certa solvencia. Aos nove minutos chegou o primeiro aviso do Lugo —foi o máis claro desta entrega—. Un saque de esquina que botou Javi Vázquez rematouno no primeiro pau Nacho Quintana, obrigando a realizar unha excelente intervención ao gardameta local, Ortolá, que evitou o tanto dos visitantes.
O Sabadell non se amedrentou, e nunha indecisión defensiva da escuadra de Munitis, Astals sorteou a dous xogadores do Lugo rematando ao pau de Lucas, que despexou evitando o tanto local. A partir de aí, o choque nivelouse, pero ao Lugo faltoulle claridade nos últimos metros, unha circunstancia que provocou que ao final dos primeiros 45 minutos o marcador reflectise un 0-0.
Reacción na recta final
Na segunda parte, o primeiro aviso deuno Nacho Quintana cun remate que saíu a córner. Nesta entrega ían pasando os minutos, pero ao Lugo custáballe moito xerar. É máis, tardaron os albivermellos en pisar a área de Ortolá.
Ante esta tesitura, Pedro Munitis moveu o banco, dando entrada a Antonetti, que finalmente foi o home do partido. Pelexou cos defensores locais e tivo dúas ocasións claras, unha das que concluíu en gol.
Esa primeira oportunidade chegou no minuto 76, cun disparo do mozo dianteiro, que Ortolá enviou a saque de esquina con bastantes dificultades. A partir dese instante xa se empezou a ver a mellor versión do Lugo, que é a que agardan os afeccionados.
Así, no minuto 77 Nacho Quintana rematou co ombro un medido pase de Carlos Torrado, que saíu lixeiramente desviado da portería de Ortolá. O dianteiro albivermello volveu dispor doutra ocasión con outro remate a centro de Jozabed. Á terceira foi a vencida, e tivo que ser a balón parado. Aguza sacou unha falta que rematou Antonetti de cabeza por toda a escuadra pondo o que ao cabo sería o tanto do triunfo do Lugo. E xa no tempo de desconto puido sentenciar Nacho Quintana, que enviou o balón ao traveseiro despois dun rápido contragolpe.
Nos últimos instantes, ao Lugo tocoulle porse o traxe de faena e achicar balóns. Nunha palabra, acabou pedindo a hora.
?
Ortolá; Pau Resta, Nando (Carrión, min.55), Sander, Callejón (Beitia, min.55); Domènech (Vladys, min.65), Astals, Callejón, Manel; Moyano (Marc, min.79) e Herrera (Amelibia, min.65).
?
Lucas; Torrado, Gorka Pérez, Castrín, Javi Vázquez; Thiago Ojeda (Aguza, min.70), Jozabed, Víctor Narro (Fontes, min.70), Aranda (Antonetti, min.61); Nacho Quintana e Antoñín (Jorge González, min.85).
GOLES: 0-1, min.86, Antonetti.
ÁRBITRO: Fernández Vidal (Comité valenciano). Amoestou aos futbolistas do Sabadell Moyano e Pau Resta, e ao xogador do CD Lugo Nacho Quintana.
INCIDENCIAS: Partido que se jgó na Nova Creu Alta. Media entrada.