Os festexos pasarán da praza do Concello ao entorno da Casa da Cultura por cuestións loxísticas
28 jun 2025 . Actualizado a las 05:00 h.Do 8 ao 11 de agosto • Falta aínda mes e medio para celebrárense, pero a comisión de festas de Vimianzo xa deu a coñecer o cartel para os seus festexos centrais do mes de agosto, que durarán catro días e que este ano, como novidade, abandonarán a Praza do Concello para trasladarse a outro espazo da vila. Segundo explican dende a entidade, nesta edición os festexos moveranse ao entorno da Casa da Cultura «por cuestións loxísticas», din: «Sabemos que o lugar é diferente, pero as ganas de festa son as mesmas de sempre, así que agardamos vervos a todos e todas alí, gozando coma nunca!», engaden os organizadores.
Os festexos comezarán o venres 8 cunha primeira noite de verbena amenizada pola orquestra París de Noia e o grupo Máster.
O sábado 9, a xornada comezará con pasarrúas animados pola asociación tradicional Trubisquiña e pola Banda de Música de Ponteceso. Á unha da tarde celebrarase unha misa solemne pola Virxe do Carme e a continuación dará comezo unha sesión vermú amenizada polo dúo D'Festa. E pola noite, máis verbena coa espectacular orquestra Panorama e a discoteca móbil Full.
O terceiro día comezará tamén cun pasarrúas, desta banda animado pola agrupación Os Farrapos de Cesullas, e proseguirá cun oficio na honra de San Roque, á unha da tarde. Veneguay porá a banda sonora á vermú, e La Fórmula e Principal, aos festexos nocturnos.
A cuarta e última xornada, a do luns 11, será o Día do Neno, desta banda na Praza do Concello e con DJ Rokiño.