![](https://img.lavdg.com/sc/6anEi28lq_WgvusmC7G5QxYjrMk=/480x/2024/05/20/00121716223381740274169/Foto/CY21C8F2_2.jpg)
O Abaladoiro | O sábado empezou o programa de andainas para descubrir os Recunchos de Vimianzo a pé
21 may 2024 . Actualizado ás 05:00 h.Andar por Vimianzo é como viaxar no tempo paso a paso. O sábado empezou o programa de andainas para descubrir os Recunchos vimianceses a pé. Medio centenar de persoas desafiaron a choiva para lanzarse á aventura de descubrir tesouros do patrimonio local asesorados por Mariví Amigo e Víctor Santos, coa compaña da edila Mari Pose e o auxilio de Protección Civil.
O primeiro que fixeron foi ir ver os petróglifos do Prado dá Cruz, coas súas combinacións circulares concéntricas, figuras cruciformes, cazoletas e ata unha posible deusa feminina. Custou a subida ao Prado dá Cruz, enigma do sacrificio dos rebeldes por parte dos señores, e o Prado Vello, co seu santuario pagán.
En Somontemio, os camiñantes paráronse ante o círculo concéntrico máis grande da Costa da Morte, 106 centímetros. O Pazo de Trasouteiro, onde por unha vez a capela estaba aberta, a fervenza de Cubes e as do río Cambeda e os seus muíños foron algúns dos segredos do val dos que gozaron os camiñantes.