Co seu irmán Dani Tasende, adéstrase no Corporal X Pression de Carballo. Doutro lado, o futbolista larachés Chumi acaba de casar
01 jul 2025 . Actualizado á 05:00 h.Angeliño Tasende goza estes días da súa terra en Bergantiños. O futbolista de Coristanco deixouse ver pola praia carballesa de Razo, coa súa muller, a influencer Rocío Galindo, e os seus dous fillos. O lateral zurdo, xunto ao seu irmán Dani, que xoga na mesma posición, tamén se adestrou no ximnasio da capital bergantiñá Corporal X Pression. No centro, un veterano da localidade e comandado polos irmáns Maribel e Pablo Pichel Viña, aínda lembran a ambos, cando sendo apenas uns adolescentes, xa acudían a prepararse. Tempo despois, adoitan regresar sempre que pon un pé na comarca. Os irmáns non se quixeron perder as festas do San Xoán.
Doutro lado, outra perla do balompé comarcal, o mozo central larachés Juan Brandariz, Chumi, acaba de casar coa nai dos seus dous fillos, Alessandra Pini, xusto un ano despois de que lle pedise a man.
Fóra do deporte rei, a Costa da Morte tamén recibiu a pasada fin de semana en Fisterra á malagueña Lola Ortiz, coñecida polo seu pasado televisivo (Mujeres e Homes e Viceversa). Gozou do mar de ardora e da gastronomía galega.