Un veleiro queda á deriva en plena madrugada con catro persoas durmidas no seu interior

Un veleiro estaba fondeado nos accesos aos pantaláns do porto de Corcubión. De súpeto, sobre as catro da madrugada deste luns. amárralas romperon e a embarcación, con catro persoas durmidas a bordo, quedou á deriva . As correntes empurraban ao veleiro directamente cara á praia de Quenxe. Por sorte, nun dos peiraos atopábase un mozo que estaba a pescar lura e alertou da situación.

Rapidamente desprazouse ao lugar a tripulación de Mar Galicia, unha embarcación de emerxencias da Xunta de Galicia, e persoal de Protección Civil de Corcubión. Lograron interceptar á embarcación á deriva mentres alertaban aos tripulantes, que estaban asustados polo que lles sucedera: «Estaban a durmir e non sabían que estaban á deriva», indicaron desde emerxencias a La Voz. Finalmente o veleiro foi remolcado de novo a porto sen incidencia e quedou amarrado a un dos mortos situados na entrada do porto.

---

---

---