Distribuirá seis millóns de euros en descontos de 100 euros para gastar no pequeno comercio dos municipios de menos de 20.000 habitantes
15 oct 2025 . Actualizado á 05:00 h.A Deputación dá a Coruña ten en marcha, en colaboración coa Federación Galega de Comercio, o programa MercaNaVila, que distribuirá seis millóns de euros en descontos de 100 euros para gastar no pequeno comercio dos municipios provinciais de menos de 20.000 habitantes. A deputada de Emprego, Industria e Medio Ambiente, Rosa Ana García, deu a coñecer onte a campaña aos comerciantes de Cee, onde xa son 32 os negocios adheridos. Estes teñen ata o vindeiro luns, día 20, para sumarse en mercanavila.gal. A partir desa data, os bonos poderán descargarse no móbil. MercaNaVila pretende mobilizar 25 millóns de euros en vendas.