O BNG leva ao Parlamento a futura liña de alta tensión entre Cabana e Cerceda

O BNG leva ao Parlamento de Galicia o proxecto da futura liña de alta tensión entre Bustelo (Cabana) e Meirama (Cerceda) Afecta a cinco concellos da zona, e en menos medida a Ordes e Carral (só uns metros), con 98 apoios en case 40 quilómetros, con centenares de parcelas afectadas. 

Os nacionalistas queren que este tema trátese tanto como preguntas como en proposición non de lei. Agardan coñecer a valoración da Xunta sobre este proxecto, se se analizaron as alegacións, se se han detectados incumprimentos lexislativos na documentación achegada pola promotora, ou se se avaliou a opción de enterrar a liña, en tramos ou na súa totalidade.

O BNG, entre eles o deputado Daniel Pérez, exponse se pode garantir a Xunta que os usos agropecuarios que de feito se lles dá na actualidade a terreos afectados polo trazado da liña, sobre todo en parroquias como Valenza e Erbecedo, non se verán afectados. Tamén agardan saber se a Xunta estudou a posibilidade de integrar esta liña noutras infraestrutura existentes, ou cal é o estado legal no que figura este proxecto, «estando ou  parque eólico de Bustelo suspendido preventivamente». De non construírse finalmente ese parque, o BNG pregunta si sería precisa esa liña só para outro parque, o de Baralláns. 

Na proposición non de lei, o BNG insta á Xunta a que manteña a liña en suspenso en tanto non se levante a cautelar do parque eólico, que se estuden todos os seus aspectos para que se adapten á lexislación, incluídas as alegacións, ou que se busquen alternativas para o que impacto sexa mínimo, por exemplo que sexa enterrada. 

---

---

---