A cultura pode ser unha industria, e moi florecente por certo, se se sabe xestionar
03 dic 2025 . Actualizado á 05:00 h.Ao parecer o señor alcalde de Ponteceso, José Manuel Mato, pretende converter o Museo de Arte Contemporánea Costa da Morte (MACCMO) nun centro cultural. Seica o señor alcalde sabe que é cultura? Segundo os clásicos, cultura é o cultivo da alma, ósea que se refire á dignidade da persoa, a beleza, a verdade, a xustiza e a liberdade. E isto conséguese a través das artes, a literatura, a pintura, a música, a danza, a poesía, a escultura, o cine… E de todo iso hai habido no MACCMO desde o primeiro momento da súa creación.
Ser artista é unha profesión que ten como base unha vocación. Os afeccionados ou amateur non adquiriron o dereito de tal título. Tampouco un pintor pode tecer unha rede (cousa que fan magnificamente as redeiras), ou pescar como fan os profesionais do mar. Pretender que todo o mundo saiba de todo e sirva para todo non leva máis que a unha mediocridade. E iso non significa que ninguén sexa máis que ninguén, pois non hai traballos indignos, senón persoas indignas.
E estas bases que constitúen a cultura son tamén as que require unha democracia, e non o impor o criterio propio sen ter en conta outras opinións, como escoitar aos partidos da oposición e ao pleno do Concello.
Os cormelanos tiveron unha época florecente coa mariña mercante e as fábricas de salgaduras, pero o cambio dos tempos non parece que proxecte un retornar. Pero tiveron a sorte de que o azar ou o destino trouxéselles o cuarto museo de arte contemporánea de toda Galicia ao seu territorio. A cultura pode ser unha industria, e moi florecente por certo, se se sabe xestionar. Sen dúbida, algúns non valórano, pero deberían loitar por defender un patrimonio do que poden quedar privados eles e as seguintes xeracións.
É unha mágoa que teñamos uns políticos menos que mediocres, que esqueceron que están onde están porque o pobo lles puxo, e especialmente, o que debese ser a súa función, "ser servidores públicos".
Os responsables de cultura da Xunta cren que xa teñen moitos centros de cultura, cando respecto a museos de arte contemporánea non os hai nas capitais de Pontevedra nin en Lugo nin na Coruña. Ao redor do 2013, o presuposto do Gaiás, Ciudad da Cultura de Santiago, comíase el soíño o 90% da totalidade do presuposto cultural de toda Galicia. Foi un proxecto faraónico que se lle coou ao señor Fraga. Proxecto que foi un total fracaso desde o inicio. Para empezar, un dos edificios construídos só contén as maquetas dos outros. Outros dous dos edificios programados deixáronse de construír, e non vou falar do resto. Os promotores do devandito proxecto esqueceron que o turismo que vai a Santiago (por tres, sete ou dez días) non quere saír da capital porque toda Santiago é un xoia para gozar. Xa o BNG estivo a piques de botar carpetazo á Cidade da Cultura, e foi unha mágoa, pero nunca é tarde para facelo. Poderíaselle dar outras utilidades que non levarán o presuposto cultural de toda Galicia, e deste xeito, as catro provincias galegas estarían mellor atendidas en algo tan fundamental como é a cultura, e poderíase chegar aos pequenos centros de poboación, que moitos deles están abandonados.
*Encarnación Pisonero é patroa da Fundación Torre-Pujales, que xestiona o Museo de Arte Contemporánea Costa da Morte.