José Valiña Castro, que durante anos rexentou unha barbería na localidade, morreu na madrugada deste sábado
14 jul 2025 . Actualizado á 00:13 h.José Valiña Castro, baiés de 32 anos, foi achado morto na madrugada deste sábado mentres soaban na localidade os últimos compases polos festexos de San Cristovo.
O seu falecemento causou unha gran conmoción no pobo, pois se trataba dun coñecido emprendedor do núcleo de A Braña que durante varios anos rexentou unha barbería na Avenida Xeral Vidal Ríos.
Os seus restos mortais foron trasladados polos servizos xudiciais da funeraria San Antonio e velados en Pompas Fúnebres Costa de Baio, aínda que por desexo da familia non se recibirá duelo. Si se oficiou na tarde deste domingo o enterro (18.00 horas), na igrexa Santa María de Baio, con sepultura no panteón familiar. O funeral está previsto para este luns, ás 21.00 horas.